峇里堂

營業中

休息中

尖沙咀嘅一間由印尼大廚主理嘅印尼菜餐廳，令我體驗到印尼人對香料運用嘅獨特烹調技巧，口味令人印象深刻。峇里堂招牌巴東牛肉 $168外表係一道由橙紅色醬汁包裹住嘅牛肉，牛肉煮至軟腍有溶化口感，食落去第一口係微微嘅辣味，隨之而來係一陣又一陣不同香料嘅味覺衝擊，十多種香料嘅配搭之下味道層次非常豐富，當中最突出嘅係椰奶嘅香甜同辣椒嘅香味，食完後口腔充滿香氣餘韻。峇里醬炒四季豆 $88第二道係嘅醬汁係黑啡色，質感無咁稠，口味多咗一份微酸同洋蔥嘅香口，四季豆炒至口感爽脆，配搭埋一齊食酸酸甜甜咁十分之開胃好味。珍珠香飯 $15佢哋嘅白飯顆粒分明，濕度啱啱好唔會好乾身，有微微香味。峇里堂街頭珍多冰冰 $62由雪糕、椰汁冰、cendol、紅豆同粉條等組成嘅甜品，椰汁味道香濃甜度適中，各種配料混合埋一齊食口感香甜。