福記粉麵

營業中

休息中

黎左廣源街市搵食，見到呢檔車仔麵既餸好吸引，所以試一試。叫左一碗三餸車仔麵。麵款有好多選擇，揀左上海粗麵。食物款色勁多，揀左menu上推介既金菇肥牛卷，雞扒同客家釀豆腐。唔係誇張，呢三款都好好食呀~~~35蚊，有甘既質素，好抵呀。金菇勁多，好大卷。沙嗲味好濃。雞扒應該係烤/焗，好滑，味道又夠，完全無雪藏味。釀豆腐既豆腐好大件，食一件都好夠飽。整體，性價比好高。而且，醬料任添，仲有菜脯和新鮮既葱，唔錯唔錯。一定會再返黎食。而且兩位姐姐都好nice。