阿杏飯團 (新都城中心二期) (已結業)

今日收工返屋企，是但求其喺屋企樓下買咗個飯團。平時見呢間嘢都冇乜人，佢舖頭有棵櫻花樹吸引到我，好似幾靚咁，同埋都幾整潔，即管試一試。叫咗個鹹蛋雞扒飯團，係紫米。$46再叫咗杯芝芝火火 $33先講下個飯團，足哂料，大大件，賣$46冇得輸啦， 店員話紫米係100%泰國嚟，柴米煙煙韌韌，又加有肉鬆，又有油炸鬼，都幾脆口。加埋咸蛋黃，雞扒厚厚仲好入味，咸蛋控必試！！！火龍果加奶蓋真係好出色，顏色好sharp， 冇諗過原來mixed 火龍果，口感係咁特別嘅，好清新，又唔甜，夠哂凍，啱晒今日咁熱飲！好好飲！呢間嘢可以encore！下次再試吓其他種類同味道先！