川濃 (已結業)

平時翻工都有幫襯過呢間餐廳嘅米線，都幾鐘意個騰椒湯同蕃茄湯底，價錢算ok，外賣送緊枝冷泡茶就感覺仲抵。鐘意食佢哋嘅叉燒牛腱，半牛半豬都好好，食得出唔係平價肉。今晚ot ，同幾個同事趁機試下佢哋嘅小菜，估唔到又幾好食，酸菜魚同口水雞個味道好好，啲魚肉滾到啱啱好，襯埋個酸菜湯底，好足料，5、6十蚊又唔貴，最緊要好食，清湯牛腩份量算有良心，亦食得出唔係cheap肉，都係6十幾蚊，另一個同事食麻辣豬手又係話幾好味，見佢都清曬碟餸，不過豬手我晤好，所以比唔到意見。一行4人食到飽飽滿足，應該會間唔中再encore 。