新記芝士麵 (已結業)

難得放工來灣仔覓食，想試吓呢區嘅小店，於是揀咗新記。望吓牆上嘅星級推介餐牌，冇一樣食物係超過$55 ，對於想慳錢嘅打工仔來講，絕對係一個天堂。由於係冒着佢嘅芝士撈公仔麵而來，當然要試吓啦！揀咗芝士汁豬頸肉撈公仔麵，芝士汁極多，幾乎好似湯咁浸住d麵，相信芝士迷絕對會鍾意。但因為最近想食清淡啲，對我來講，咁多芝士絕對有點兒負擔，最後食唔晒。另外亦叫咗一碟炭燒豬頸肉煎蛋飯，豬頸肉燒得好爽口，配上留心嘅太陽蛋同事甜豉油汁，非常適合送飯，好快就食晒成碟，加埋個凍檸茶，一個字爽！唔係芝士迷嘅朋友，可以試吓佢嘅碳燒豬頸肉系列！