功夫點心

營業中

休息中

功夫點心周圍都有, 不過一直都未食過, 原來都OK喎! 茶錢$5位, 可以揀茶, 午市好似無加一, 3個人食左$150。菜苗餃:皮好薄好彈牙, 好多料, 蝦肉都唔少, 調味幾好。綿花雞:呢個幾抵食, 好大件雞, 綿花都有兩大條, 底下芋頭好粉!蝦腸:皮薄, 每條有2大隻蝦, 不過有D雪味, 都正常既黃金流沙包:因為最少叫兩個, 原來係咁大個, 入面真係流沙, 正呀!!!酥皮叉燒包:以為係雪山 叉燒包, 原來係波羅叉燒包, 即刻扣左分, 呢個好麻麻, 食唔晒。生煎安格斯牛肉餅:料比較少, 不過煎得幾脆。