新竹源越南餐廳

營業中

休息中

今日同同事嚟咗新竹源食越南野。四個人等咗大約5分鐘就有枱，都幾快手㗎。餐廳地下就有少少癡立立，不過都算啦。午市來講有好多選擇，湯麵，撈面，飯，雞牛豬海鮮乜都有齊，飲品種類又多，啱晒我呢啲唔知自己想食咩嘅人。揀完一輪之後我決定要生牛肉湯河，落完單5分鐘就送到黎。牛湯都幾濃郁，而且牛嘅分量充足，不過牛嘅肉質麻麻哋，有啲韌。我哋仲叫咗個蝦餅share嚟食，唔係炸嗰隻，所以唔熱氣之餘仲食到好有新鮮蝦味，點埋甜酸醬都幾夾㗎。