麻酸樂米線專門店 (已結業)

時間尚早，未有人排隊，決定晚餐就在這裏解決。餐牌有西式扒餐，日式定食，又有台式小吃，真係包羅萬有。睇完一次，還是決定叫回這裏出名嘅米線。加五元可叫餐飲，凍綠茶，夠凍，淡淡嘅茶香，少少甜，好解渴。魚腐金銀蛋芫荽湯紅薯粉魚腐軟淋入味，咸蛋同皮蛋唔少，好香芫荽味，清淡湯底可以當例湯飲。有芽菜同腐皮作配料，更添口感。紅薯粉好韌，有點難咬開，而且勁大碗，食唔哂呢。墨魚丸酸辣米線（小小辣）墨丸好彈牙，米線夠韌，湯底夠酸，辣度適中，好開胃。環境較迫，侍應眼神空洞，但食物本身係幾好嘅，有下次。