石磨樂豆

營業中

休息中

爆餡芋泥肉鬆吐司 🍞 $39吐司即叫即做，烤到脆脆地，夾住好厚既芋泥，加埋肉鬆，鹹甜既組合，估唔到都唔錯 。黑白芝麻豆腐花 $28都幾大碗，兩個人share都無問題，豆腐花好滑，配埋黑芝麻既香，鐘意佢本身係無糖，另外會俾糖你自己調 。樽裝木瓜雪耳雪梨🍐豆乳500ml $36 質感厚滑，配料好多，雪耳浸到好濃既豆乳香，加埋木瓜同雪梨增添口感 。抹茶🍵紅豆小丸子豆乳 500ml $47豆乳味較濃，滲出回甘既抹茶，搭配埋紅豆既甜，小丸子既煙韌，既飽肚又滿足 。佢既豆乳產品好出色，用嚴選A級加拿大黃豆，每日新鮮石磨，最緊要係唔太甜 。而且吐司都好正，佢既產品除左令你能夠填飽肚子，仲可以食得更營養😍。而且有d產品仲可以簡熱飲，好似好立克豆乳、即磨咖啡豆乳、9 °無糖濃豆乳 。見到餐牌有川貝枇杷膏豆腐花好特別，原來佢地既餐牌會因為季節有所不同，有期間限定，如鹹蛋黃碎蛋吐司、蝶豆花茉莉豆乳凍 。