阿木台灣麵 (D2 Place TWO)

營業中

休息中

第一次黎，同阿媽同姨甥女黎食午餐，叫左肉燥拌麵，紅燒牛肉麵(切片) 同麻辣牛肉米粉 (角切)， 再加咗個鹽酥雞同菜 share. 牛肉麵用嘅係牛展，全部都好淋， 牛展片每塊都有大概1cm厚， 好似厚切午餐肉咁長。 紅燒牛肉麵有五塊牛展，我既角切牛展，每嚿同麥當勞隻雞翼嘅size係差唔多，有成6嚿咁多，所以我地食唔哂。 米粉係幼嘅台灣米粉，索咗麻辣湯好好味。 佢哋嘅麻辣做得幾好，麻同辣平衡得好好。 唯一不足係牛展本身沒有味道， 有啲似煲咗湯啲肉， 由於第一次嚟，唔知平時係唔係一樣。 但以$70幾蚊既價錢，整體很滿意，好過食春水堂嘅牛肉麵。