韓閣 (已結業)

之前喺荃灣都食過韓閣，抵食之餘味道又唔錯😋今次去開黃大仙就順便去食多次，呢間嘅環境同荃灣有啲唔同，打卡位比較多😍地方都幾大，問咗店員原來呢度都係開咗兩個月左右～喺餐廳附近仲開咗「閣樓市場」入面除咗有韓國街頭小食之外，仲有韓國急凍食品，貨品種類都幾齊全，可以當去咗韓國買野咁🥰🍴食物🍴1️⃣韓閣歡樂盤（韓式牛肉）$198: 材料真喺豐富，中間係雜菜炒牛肉，仲有好多嘅芝士汁可以炒勻一齊食，芝士控不能錯過😍爐邊就有蛋、泡菜、酸瓜、石鍋紫菜飯，食埋啲飯焦我覺得特別正✨2️⃣心多多蛋卷$88: 6件蛋卷可以食到3種唔同口味（泡菜、明太子、芝士）幾有蛋香味，而且喺勁厚，小心好易飽肚🤣3️⃣甜辣芝士年糕配大魚膏串$88: 海量既芝士鋪滿成隻碟，中和番辣辣地嘅芝士年糕，唔食得辣嘅人都唔使太擔心👍🏻大魚膏串及年糕口感都係咁煙煙韌韌好鍾意✨飲品🍹1️⃣清潤雪梨茶$22: 食完啲辣嘢就最好飲杯雪梨茶清潤一下，入面真係有雪梨果肉😆2️⃣百香果桂花烏龍$22：百香果味都幾特出，飲落去幾清新。💁🏻‍♀️依家食滿$300（加一前），用消費券買單仲可以全單有八五折優惠👍🏻勁抵，食咗咁多嘢都唔使$400，優惠期請詢問店員。