雄館特式小廚 (已結業)

雄館的午市套餐價錢經濟實惠，所以一般都需要排隊。所有午市套餐都跟 例湯和飲品。乾炒安格斯牛河好味有鑊氣，牛肉有水準。 但乾炒安格斯蝦米腸就好失水準，鑊氣味道依然好，可惜腸粉又腍又爛。芝士焗海蝦脆麵就完全唔掂，海蝦冇味，可能雪得太耐 雪到死死實實，而且麵唔脆，太多汁浸淋曬啲麵，其實這味菜色汁應該要另上。蠔仔肉碎湯飯 $58 分量十足 豪仔粒粒新鮮飽滿。籠仔荷葉龍躉蒸飯 $64 蒜味濃郁，如果怕食蒜頭就要慎選，龍躉肉好少上面鋪咗好多梅菜，冇辦法將貨就價。