元気寿司 (銀行中心)

今日又係壽司日，點解咁鍾意食壽司呢，因為除左有舊飯之外，其餘大部分都係魚生，自我感覺都算比較健康。今日星期六，同屋企人去食位於旺角銀行中心既元氣壽司。
.
🍚 軟殼蟹手卷
我敢講元氣壽司既軟殼蟹手卷絕對係世一，其他壽司可能麻麻地，不過佢既軟殼蟹手卷炸得好出色，加上獨有醬汁，係真係好好食。
.
🍚油甘魚刺身，長鰭呑拿魚刺身
油甘魚刺身叫左兩次，第一次俾啲頭頭尾尾，好難睇，味道係可以既，第二次就正常返。長鰭呑拿魚刺身切得超級薄，另外解凍做得唔好，霉霉爛爛咁，味道一般，好失望。
.
🍚帆立貝
用apps 落單明明寫巨型，點知都係正常大小，性價比好差。
.
總括然而，好壞參半，一分錢一分貨，黎過吓癮都可以，諗住食好野就不了。