荳子冰室 (將軍澳廣場)

營業中

休息中

黎過幾次食飯，都係播住經典既懷舊金曲，頗有港式風味。落單只要自己掃qr code就得，可以避免唔少錯誤，不過可能對老人家黎講就冇咁方便。今次同男朋友排咗一陣隊就入到去食晚餐，我地2個都叫咗鐵板餐。鐵板餐係跟免費熱飲同一塊丹麥多士，我叫咗杯熱檸蜜，水溫岩岩好，檸檬唔會太酸，係茶餐廳飲野最怕就係飲到好酸澀既檸檬味。隔離塊丹麥多士都唔錯，好鬆軟，同埋有足夠既牛油，令佢再香d。我叫咗個鐵板西冷牛扒，係冇得揀熟度既，但男朋友叫既牛柳就有得揀。好彩地，我塊西冷牛扒既熟度岩岩好，可能係因為下面有西蘭花同薯條墊住，唔會過熟，但就真係完全一d牛味都冇，要靠個黑椒汁吊味，不過個粟米就好甜，好好食。我地最後加咗$15飲呢個酥皮蘑菇雞蓉湯，酥皮都算合格既，入面就有蘑菇、雞蓉同少量蜆肉，個味就冇乜特別，罐頭湯咁樣既味，同埋個湯比較稀，質地似水，而且比較油，所以我地都冇飲曬。