影片
更多
2022-08-24
42 瀏覽
和風凍蕃茄 $48凍食，好開胃，個醬汁酸酸地，好適合撈埋啲菜一起食。鮪魚壽司拼盤 $268個拼盤有赤身，中拖羅，大拖羅，炙燒吞拿魚腩，同碎蔥吞拿魚蓉壽司，款款賣相都好精緻吸引。推介：大拖羅：夠晒油脂，好肥美，甘香嘅魚油味覆蓋晒成個口腔，超級邪惡！炙燒：最鍾意呢個，燒完之後啲魚油味更突出。碎蔥吞拿魚蓉壽司：魚蓉好順滑同綿密，鮮味重，而且魚蓉舖得好厚😍另外要讚嘅係，壽司飯嘅軟硬度同醋嘅調味做得啱啱好😋蟹皇甲羅燒 $68賣相好吸引，全部都係蟹皇夾雜住一絲絲蟹肉，啖啖肉好滿足🤓蟹皇味道極濃郁，如果可以配飯食就最好🤔芝士蟹皇甲羅燒 $88芝士味濃郁，呢個對比起上面嗰個蟹皇甲羅燒會再重口味啲。蟹皇芝士石鍋飯 $128個飯份量都幾多，夠兩個女仔share，飯有飯焦😝好有焦香味，芝士可拉絲🧀，蟹皇入面都係夾雜蟹肉，配面頭嘅蟹子食，口感會再豐富啲😜蟹皇分量算多，大半碗都係有蟹皇可以撈飯！不過食到最後就有啲乾身。飲品：檸檬綠茶 $13味道正常綠茶可樂 $28有驚喜😝，第一啖飲落去其實係可樂味，飲到後面先會有綠茶味滲出嚟，就算唔特別中意綠茶都可能會中意😍而且店舖裝修十分有日本風味，我地坐個位係望住魚缸🥳🐠店
凍食，好開胃，個醬汁酸酸地，好適合撈埋啲菜一起食。
鮪魚壽司拼盤 $268
個拼盤有赤身，中拖羅，大拖羅，炙燒吞拿魚腩，同碎蔥吞拿魚蓉壽司，款款賣相都好精緻吸引。
推介：
大拖羅：夠晒油脂，好肥美，甘香嘅魚油味覆蓋晒成個口腔，超級邪惡！
炙燒：最鍾意呢個，燒完之後啲魚油味更突出。
碎蔥吞拿魚蓉壽司：魚蓉好順滑同綿密，鮮味重，而且魚蓉舖得好厚😍
另外要讚嘅係，壽司飯嘅軟硬度同醋嘅調味做得啱啱好😋
蟹皇甲羅燒 $68
賣相好吸引，全部都係蟹皇夾雜住一絲絲蟹肉，啖啖肉好滿足🤓蟹皇味道極濃郁，如果可以配飯食就最好🤔
芝士蟹皇甲羅燒 $88
芝士味濃郁，呢個對比起上面嗰個蟹皇甲羅燒會再重口味啲。
蟹皇芝士石鍋飯 $128
個飯份量都幾多，夠兩個女仔share，飯有飯焦😝好有焦香味，芝士可拉絲🧀，蟹皇入面都係夾雜蟹肉，配面頭嘅蟹子食，口感會再豐富啲😜蟹皇分量算多，大半碗都係有蟹皇可以撈飯！不過食到最後就有啲乾身。
飲品：
檸檬綠茶 $13
味道正常
綠茶可樂 $28
有驚喜😝，第一啖飲落去其實係可樂味，飲到後面先會有綠茶味滲出嚟，就算唔特別中意綠茶都可能會中意😍
而且店舖裝修十分有日本風味，我地坐個位係望住魚缸🥳🐠店員亦好有禮貌，會略略介紹菜式，同埋會主動添茶。
張貼
