豚王 (已搬遷) 新店位置

下午去開銅鑼灣，記得OPENRICE之前介紹過豚王係登龍街開左分店，咪同細妹去試下，去到時以為無人排隊，點知條隊係對面街，但好彩吾係好多人。等左10分鐘度，終於輪到我哋，一到店內，真係好細間，無所謂啦，我哋只求一碗湯麵，即時ORDER左一碗豚王拉麵，一碗黑王拉麵，兩碗麵好快就到。先講豚王拉麵 - 可能選擇左濃味湯底，所以真係好濃味，麵身尚算爽口，所要成碗食晒，真係要好努力黑王拉麵 - 好重芝麻味，同樣麵身尚算爽口，食完之後成個口都係黑麻麻的兩碗麵都只係配叉燒，其實係豚肉，豚肉真係吾錯。至於店內，真係好嘈，無論有客人到，客人走，落ORDER，煮好碗麵，或碗麵上枱，全店員工都要一齊講一大堆日文，未停過，又大聲。搞到食得好吾舒服。但佢哋員工又真係好好禮貌同招呼，會自動加水，及派紙巾等，未必間間店都會做得到。但總括來說，我覺得都係一般，無想像中咁好。。。未必會再突登去試。