杏香園 (已結業)

食完晚飯最好就係食返碗糖水， 咁先會夠滿足㗎嘛， 尋日同朋友喺九龍城食完飯， 就去咗附近嘅杏香園糖水舖食糖水， 呢間糖水本身都幾出名啲嘢幾好食如果經過真係要去一去。我哋四個人嗌咗四本share食， 有招牌蛋白杏仁茶， 花生湯圓芝麻糊， 夏威夷木瓜雪耳， 竹生木瓜馬蹄爽。佢哋嘅蛋白杏仁茶杏仁味非常濃郁， 如果鍾意食杏仁味嘅你一定啱你心水，當然唔係個個都鍾意食杏仁味嘅。花生湯圓芝麻糊 ，係人手即磨嘅芝麻，唔會太希，有口感。夏威夷木瓜雪耳 又潤又甜，最岩冬天食補補去。竹生木瓜馬蹄爽清涼解渴，熱天消暑解渴。