生記粥麵 (已結業)

去開油麻地睇牙醫，記得屋企人講過附近有一間粥店幾好食，咁就開map睇吓。因為係食飯時候，所以全店滿座，仲有好多人等叫外賣。等咗大概5分鐘就有位，not bad!都幾肚餓，所以叫咗一碗大嘅鯪魚球粥+油炸鬼。好快就上菜，唔記得咗exactly有幾多粒鯪魚，淨係記得好似食極都食唔完。鯪魚好有鮮味，咬落去覺得係真材實料，最正就係有果皮味，而且仲有一碟仔豉油加蔥去點。粥底亦好綿，亦有幾塊生菜，成碗比我ko晒！ 至於油炸鬼⋯⋯ 非常普通。雖然係繁忙時間，一班靚女們都好有禮貌，服務算唔錯！