鴻運車仔麵

營業中

休息中

如果要係長沙灣揀一間車仔面，鴻運車仔面係一個唔錯嘅選擇。鋪頭大概有15個位，坐嘅話可能坐得冇咁舒服，但如果你去食車仔麵，坐唔坐得舒服應該唔係一個重要因素，而係選擇多唔多，啲餸好唔好味。我會推薦蘿蔔，因為真係甜到冇朋友，但今次冇得食，因為已經賣晒啦，我都係七點零去食姐。今次叫左豬扒，墨魚丸豬皮同埋油面加底。加底一定夠飽，好大碗面，啲餸都唔算少。豬扒整得唔錯，因為食豬扒最驚咬唔開，呢度豬扒淋得黎有少少咬口，正。豬皮索晒個他個沙嗲汁啲味，唔錯。墨魚丸個外皮有炸過，味道正常。總結：一間幾傳統嘅車仔麵，傳統車仔麵嘅餸都整得唔錯，蘿蔔豬紅豬皮。價錢適中。