影片
更多
2021-09-09
872 瀏覽
好味指數😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗🤗朋友 gathering，本身想去九龍城食泰國菜，點知訂位時有講明90分鐘限時，大家覺得唔夠盡興；跟住其中一個朋友話嚟過呢間居酒屋，食物質素唔錯，有酒飲又冇限時（當然只係開到10點），我哋就決定轉場嚟呢間！呢間小店唔係好大，裝修好有日本居酒屋 feel！🍴丸石 - 魅惑之桃（$68/90ml）大家都叫酒飲，朋友揀咗啤酒或者黑啤，我對於啤酒就一般，揀咗一種果實酒嘅白桃味，因為我自己比較鍾情桃味嘅嘢飲！呢種桃味果實酒係米酒類，有好濃郁桃味，用新鮮白桃肉製造，好香甜，冇咩酒味，勁易入口！真人測試應該酒精含量唔算好高，因為我本身都唔太飲得多酒嘅，飲完一杯都okay！不過大家要小心，易入口又香甜嘅酒，好易飲多咗都唔知！呢間居酒屋有好多種串燒同小食，飲下食下吹下水，不知不覺食咗好多款！🍴白粟米（$68/4件）呢個好特別，係生食嘅，超爽超甜！🍴燒白鱔（$68/串）每串有2件，基本上一件大D一件細D！白鱔好肥美，燒到外脆內軟，鱔嘅油份好足！勁好味！我哋 encore 到叫咗6串！🍴免治雞肉（$38）用免治雞肉整成一串，配新鮮日本生雞蛋加醬油汁，用雞
回頭指數 ⭐️⭐️⭐️⭐️⭐️
開心指數🤗🤗🤗🤗🤗
朋友 gathering，本身想去九龍城食泰國菜，點知訂位時有講明90分鐘限時，大家覺得唔夠盡興；跟住其中一個朋友話嚟過呢間居酒屋，食物質素唔錯，有酒飲又冇限時（當然只係開到10點），我哋就決定轉場嚟呢間！
呢間小店唔係好大，裝修好有日本居酒屋 feel！
🍴丸石 - 魅惑之桃（$68/90ml）
大家都叫酒飲，朋友揀咗啤酒或者黑啤，我對於啤酒就一般，揀咗一種果實酒嘅白桃味，因為我自己比較鍾情桃味嘅嘢飲！呢種桃味果實酒係米酒類，有好濃郁桃味，用新鮮白桃肉製造，好香甜，冇咩酒味，勁易入口！真人測試應該酒精含量唔算好高，因為我本身都唔太飲得多酒嘅，飲完一杯都okay！不過大家要小心，易入口又香甜嘅酒，好易飲多咗都唔知！
呢間居酒屋有好多種串燒同小食，飲下食下吹下水，不知不覺食咗好多款！
🍴白粟米（$68/4件）
呢個好特別，係生食嘅，超爽超甜！
🍴燒白鱔（$68/串）
每串有2件，基本上一件大D一件細D！白鱔好肥美，燒到外脆內軟，鱔嘅油份好足！勁好味！我哋 encore 到叫咗6串！
🍴免治雞肉（$38）
用免治雞肉整成一串，配新鮮日本生雞蛋加醬油汁，用雞肉捧輕輕攪拌，外皮少少焦香，入面好鬆軟，醬汁鹹得嚟帶少少甜味，生雞蛋黃有香濃蛋味！好正！我同朋友都留返個醬汁用嚟點其他嘢食！
🍴燒飯團串（$34/串）
一串有兩件，將飯整成圓餅咁，用紫菜包住，兩邊都有飯素，飯素被燒到焦香，飯團有少少煙韌，唔會一咬散晒，好味！
🍴一夜干馬友（$168/條）
呢個未食過，朋友解釋原來係用一晚時間風乾條魚再燒，所以叫「一夜干」！好香脆，連骨都魚鰭都脆到食埋！
🍴芝士年糕（$48/2粒）
呢個我哋又係不停 encore 叫咗5份，外面香脆，年糕又軟糯糯，仲有芝士響中間，帶少少鹹香味！
🍴牛脷芯（$88）
呢個比較特別，平時牛脷就食得多，通常厚切牛脷會好爽口，呢個牛脷芯係好厚肉，一層燒到焦香嘅皮，中間好似有少少肥肉feel 再下一層係肉， 肉味濃又軟身，肉質少少彈牙！同普通牛脷口感完全唔一樣！
🍴湯稻庭烏冬（$44）
呢個比較清淡簡單，上面有海帶同蔥花，湯底用咗雕魚湯，唔太濃郁，清淡中帶少少魚味，烏冬夠彈牙！
另外我哋都仲叫咗 🍴雞泡魚干（$78）🍴牛肋骨肉（$36）🍴雞翼（$32）🍴雞胸軟骨（$30）🍴枝豆（$30）🍴雞軟骨（$26）🍴粟米（$28/4件）🍴菠蘿（$42）
所有都正常發揮，粟米個醬汁好惹味！
最後都要講下兩款我覺得一般嘅…
🍴甘薯（$26/串）
一串兩件，其實係燒得唔錯，其中一面我估係放咗糖響面燒成焦糖面，咬落係脆嘅！不過我自己覺得甘薯本身唔夠甜，所以食完焦糖面嘅部分就覺得唔夠好食，有D唔夠味同乾身！
🙅🏼♀️🍴親子丼（$48）
上面有雞肉、洋蔥、紫菜、雞蛋，唔知係味其他嘢太濃味，呢個顯得太淡，成碗係冇咩味，亦都冇醬汁，蛋汁又唔夠多，呢個就真係麻麻啦！
基本上呢間小店嘅嘢食絕大部份都好好味，好有去咗日本居酒屋感覺！成班朋友飲飽食醉，當走咗轉日本旅行啦！
張貼
