美好

營業中

休息中

沙田一城美好餐廳，選擇雖然不太多，但食物屬於中上，自助形式，冇人服侍，感覺反而良好，起碼唔使一入門口就俾人問幾多個，人小唔該你坐門口或搭枱，冇位就話要搭枱啫，大把位都唔知咩嘢心態，分明同老細趕客，環境乾淨清潔，但座位就比較狹窄，價錢合理，食物抵食味道好過好多快餐店，沙田第一城嚟講已經係數一數二好食，起碼啲份量正正常常，唔似有啲餐廳食嗰啲牛腩，好似啲粟米肉粒咁大粒，近十年我相信係我食過嘅牛腩最大嚿嘅一間快餐店，我連續三日去食咗午餐，三日都比我有不同嘅驚喜其中一個就係涼瓜火腩飯啲火腩係切到一嚿嚿唔係一片片涼瓜好明顯係即炒，無拖過水，食落完全有新鮮嘅感覺。爽脆，唔係煮大鑊飯餸，好明顯係即煮，又試過一個就係土魷蒸肉餅亦都有驚喜啲肉餅唔係用攪拌機攪爛一坺漿糊係手琢豬肉好明顯食到一粒粒，我覺得呢個廚房係用心去做每一個午餐，並不是粗製濫造。