順興餐廳

營業中

休息中

打完羽毛球，搵個地方醫肚先，就搵左間茶餐廳，一黎到即刻睇下有咩食先，我地1人叫左1個餐，朋友仔叫左西冷牛扒配意粉，我就叫左海鮮焗意粉。首先講下野飲，紅豆冰奶味好濃，重點係落重料，有成半杯紅豆，真係不得了。而咸檸7，檸檬🍋咸咸酸酸，十分開胃，正！跟餐西湯係羅宋湯，蕃茄味濃，唔會太酸，而且帶甜，正合我口味另外叫左個小食，滷水雞翼，滷水汁好入味，而且雞翼好大隻，雞肉好嫩滑，3隻實在有啲唔夠喉，下次要叫夠5隻主角黎啦，焗海鮮飯，一睇就知多料啦，有🐙🐟🦐🦑，好豐富，而且芝士份量亦好夠西冷牛扒，5成熟，肉質鮮美，好夠牛味，而且好嫩，唔會咬極咬唔開成餐飯咁豐富成惠189元，都算抵食