茶木‧台式休閒餐廳 (iSQUARE國際廣場)

營業中

休息中

5點半鐘同朋友2個人搵嘢食，諗住時間尚早應該唔太多人等位啦，點知去到打個突，咁多人嘅？不過都照等，因為好想食肉燥飯。叫咗個香腸肉燥飯，真心覺得好食，香腸亦烤得好香，同喺台灣食無咩分別，肉燥係有少少油膩，但佢係油得黎香個隻，並唔係見到啖啖油一d都唔想放入口。。再配少少酸菜，其實會中和咗。已經係第二次食，都好好味呀。再叫多個甘菊茶（唔記得咗實際個名），佢有蜜糖跟埋，溝咗會好飲好多，如果唔係會比較淡口。不過好多時想搵個人落單加吓水都叫好耐，同埋因為地方窄所以坐得有d唔舒服，上次去旺角兆萬分店明顯舒服好多。