平昌

營業中

休息中

呢日黎到平昌燒肉！真係勁正！一入到去已經聞到勁香肉味，真係想快d開始食！一入到去店員就幫我地整左蛋係旁邊一陣熟就可以食！又有前菜，，分別係泡菜同埋芽菜，兩樣食落都好惹味仲可以無限添加，泡菜勁開胃我都忍唔住加左幾次～～我地揀左要世子set ,入面既選擇都有好多，醬油蝦都幾出色！ 世子set都可以叫埋大君set入面有既野！ 牛肉既選擇都有唔少，食落仲好有牛味，我地都encore左好多次！ 除左燒肉前菜，佢仲有唔少熟食可以揀，普通去韓國餐廳可以叫到既麵食同鍋物都有，但為左食多d肉我地都冇乜叫到呢d鍋食黎食，如果同老人家黎佢地唔太想食咁多肉其實都幾岩！仲有燒海鮮都有好多款同埋都好新鮮！ 我已經諗定想下個月再黎食haha