醉藥雞 (啟志樓) (已結業)

《真係醉有雞味》荃灣一向就係平民食堂，好多高質嘅小店。尤其係路德圍戈邊，好多麵食店。今次介紹依間就係出名靚湯同埋雞肉嘅醉藥雞。午餐時候已經大排長龍，菜單基本上都係雞肉相關嘅料理，主打冇添加味精，保證啖啖靚湯。其中最高人氣嘅係以下幾款。砂窩雞湯翅 $68佢地有3款麵可以揀，總共有7款麵類可以揀。我就揀左刀削麵，麵食砂窩上係佢地一大特色，可以更加保持溫度。湯底奶白色，遠遠聞到已經好香，除左用雞同埋多款材料長時間熬製，裡面仲有啖啖魚翅同埋金華火腿，雞湯味香濃，雞肉又嫩滑。砂窩醉藥雞（煮雞酒）$78頭先試左刀削麵，另一款我就試下米線，再加$10就可以有溏心醉蛋。依款同樣用左砂窩上，酒香味十足，雞肉吸收哂酒嘅香味，再加入左蟲草花、同埋杞子，感覺真係好養生。醉三寶（牛舌、豬肚、薰蹄）$52依款就可以一次過試哂三款，啱哂貪心嘅我。我自己就最鍾意醉薰蹄，口感軟腍又入味。醉乳鴿 $98雖然係乳鴿，但係都啖啖肉，酒香味滲哂入啲肉度，食落嫩滑可口。另外+8就可以有豆漿，依餐真係好抵食。