享慢煮意 (善慶街) (裝修中)

一個不起眼既角落有一家以藍黃色為裝橫既餐廳，顏色同其他店舖形成強烈對比，主打慢煮，少調味料少油，將食物原汁原味呈現。一定要試佢地既流心牛角包🥐，牛角包外層保持酥脆，充滿牛油香，一切開牛角包，裡面餡料流出來。今次試咗龍蝦湯流心牛角包同埋爆炸糖海鹽焦糖咖啡流心牛角包，龍蝦湯流心充滿鮮味，連埋牛角包食口感更豐富；爆炸糖海鹽焦糖咖啡流心牛角包口感特別，刺激既爆炸糖，配上絲絲甜味焦糖、淡淡鹽味海鹽、微苦咖啡香，層次感豐富，帶出味蕾嘅衝擊。另外美國頂級牛腹扒配香煎鴨肝都整得好出色，牛腹扒以慢煮嘅方式煮成，肉香濃郁，油花較少，配菜有滑溜既奶油瓜蓉，好香南瓜味。煎鴨肝外脆內軟，有入口即溶嘅感覺。