更多
2019-04-19
201 瀏覽
Weekend入左西貢,見倒有間泰國菜就試下啦,見店員都係泰國人,應該味道幾正宗!因為時間仲好早,我同朋友唔係叫左好多野食。行到熱熱地,一坐底就叫左個鮮椰青飲,個椰青好新鮮好清甜!雪到凍凍地好清涼!消暑一流!另外仲叫左椰子雞湯,柚子蝦沙律,沙嗲串(雞肉,牛肉),泰式咸豬肉炒椰菜苗。椰子雞湯好足料!湯底加左好多泰式香料,仲有小小辣椒,飲落除左好香ge香料味仲有勁香椰子味,又有小小辣味,正!雞肉煲完都仲係好嫩滑!仲好多草菇,秀珍菇做配料!飲完個湯就上左個柚子蝦沙律,個沙律份量好多!柚子肉好多,又多汁,而且柚子好甜冇咩澀味,撈左特色酸辣汁,好開胃。上面有兩隻大蝦,再撒上炸蒜,花生,撈埋一齊食好好味!沙嗲串我地叫左一串雞肉同一串牛肉,上台已經聞倒好香串燒味!雞肉嫩滑,牛肉又唔會太韌,燒得啱啱好,就咁食已經好好味!再點下個秘製沙嗲汁就更加惹味!不嬲都好鐘意食椰菜苗ge我要俾100分依碟泰式咸豬肉燒椰菜苗!用左爆香左ge咸豬肉燒椰菜苗,令椰菜苗添多一種咸香味,再加上本身菜ge甜味,同用左小小辣椒吊味,成個配搭真係好出色,我食到停唔倒口!黎泰國餐廳食野點少得芒果糯米飯,個賣相都幾有心思,將芒果切左薄
行到熱熱地,一坐底就叫左個鮮椰青飲,個椰青好新鮮好清甜!雪到凍凍地好清涼!消暑一流!
另外仲叫左椰子雞湯,柚子蝦沙律,沙嗲串(雞肉,牛肉),泰式咸豬肉炒椰菜苗。椰子雞湯好足料!湯底加左好多泰式香料,仲有小小辣椒,飲落除左好香ge香料味仲有勁香椰子味,又有小小辣味,正!雞肉煲完都仲係好嫩滑!仲好多草菇,秀珍菇做配料!
飲完個湯就上左個柚子蝦沙律,個沙律份量好多!柚子肉好多,又多汁,而且柚子好甜冇咩澀味,撈左特色酸辣汁,好開胃。上面有兩隻大蝦,再撒上炸蒜,花生,撈埋一齊食好好味!
沙嗲串我地叫左一串雞肉同一串牛肉,上台已經聞倒好香串燒味!雞肉嫩滑,牛肉又唔會太韌,燒得啱啱好,就咁食已經好好味!再點下個秘製沙嗲汁就更加惹味!
不嬲都好鐘意食椰菜苗ge我要俾100分依碟泰式咸豬肉燒椰菜苗!用左爆香左ge咸豬肉燒椰菜苗,令椰菜苗添多一種咸香味,再加上本身菜ge甜味,同用左小小辣椒吊味,成個配搭真係好出色,我食到停唔倒口!
黎泰國餐廳食野點少得芒果糯米飯,個賣相都幾有心思,將芒果切左薄片,砌成個心型,中間就有紫米同糯米飯,淋上椰奶!糯米有少少暖,食落仲好煙韌。芒果好甜,切左薄片,方便將芒果,糯米飯,撈埋椰奶一啖啪入口!
張貼