影片
更多
2022-05-28
62 瀏覽
今日做完嘢突然間覺得好肚餓，腦海入面就好想食麵包，於是搵到附近呢一間新加坡麵包店，俾佢嘅葡撻同埋芝士撻吸引咗，店面亦都好企理同埋有啲小清新嘅feel，經過都想入去望多幾眼。芝士撻同葡撻價錢好親民，而且個樣都好吸引所以最尾我就買咗嚟試。因為我食嗰陣葡撻同埋芝士撻都係啱啱出爐，所以好脆口，芝士味夠重，入面仲有少少流心，好味！而葡撻都係，如果蛋香同埋甜味再重返啲就會更好。之後就諗住揀幾款麵包返去同屋企人食。佢哋嘅麵包款式都幾多，而且唔係好普通嘅港式麵包 有啲都幾有新意 例如咖啡菠蘿包係佢哋店舖招牌 不過本身唔係太鍾意食菠蘿包所以就冇揀到，最後要咗《爆漿朱古力包》《萬越莓乳酪》《紫薯包》三款都好好味！而且裏面嘅餡料都夠多。朱古力叮熱咗之後蜂擁而出，好正！萬越莓乳酪包好重乳酪味，好好食，包嘅質感好鬆軟，係歐式軟包嘅口感，紫薯亦都唔會好甜，啱啱好！ 總括嚟講，呢間包點嘅質素真係好唔錯，下次經過試吓其他先！
芝士撻同葡撻價錢好親民，而且個樣都好吸引所以最尾我就買咗嚟試。
因為我食嗰陣葡撻同埋芝士撻都係啱啱出爐，所以好脆口，芝士味夠重，入面仲有少少流心，好味！而葡撻都係，如果蛋香同埋甜味再重返啲就會更好。
之後就諗住揀幾款麵包返去同屋企人食。佢哋嘅麵包款式都幾多，而且唔係好普通嘅港式麵包 有啲都幾有新意 例如咖啡菠蘿包係佢哋店舖招牌 不過本身唔係太鍾意食菠蘿包所以就冇揀到，最後要咗《爆漿朱古力包》《萬越莓乳酪》《紫薯包》三款都好好味！而且裏面嘅餡料都夠多。朱古力叮熱咗之後蜂擁而出，好正！萬越莓乳酪包好重乳酪味，好好食，包嘅質感好鬆軟，係歐式軟包嘅口感，紫薯亦都唔會好甜，啱啱好！
總括嚟講，呢間包點嘅質素真係好唔錯，下次經過試吓其他先！
張貼
