Boat Thai

營業中

休息中

位於尖沙咀iSquare嘅泰國餐廳，次次經過都全院爆滿，今次早咗少少收工，可以直入唔使等位。餐牌價錢合理，選擇亦唔少。泰式鳳尾蝦炒金邊粉（$88）- 金邊粉炒得非常香口，入面亦好足量，蝦好彈牙爽口，配搭其他配菜同調味料，真心正。半隻海南雞（$118）- 海南雞份量唔少，肉質鮮嫩香滑，肥瘦適中，點埋甜豉油同埋辣醬食，味道唔錯。炸蝦餅（$58）- 蝦餅熱辣辣，炸得香脆，入口彈牙，配以酸甜醬，特別開胃。餐廳亦好細心咁切開一半，方便進食。飲品點咗泰式椰子刨冰（$38）同泰式檸檬茶（$25），椰子冰好香椰子味，入口軟綿綿。泰式檸檬茶帶回甘香味，口味清新解渴。