影片
更多
2016-09-21
1358 瀏覽
突然想食片皮鴨，上openrice搵左好幾間都偏貴，係呢間比較抵食，加上食評不錯就試試(見到老闆好用心留言回應呢！)六點半左右到餐廳，應該係晚市第一位客人，無訂位，聽講呢到晚市好full，自動自覺坐雙人位，男友要遲啲到，先行點菜，侍應見點菜較多，可能驚唔夠位上菜，主動問要唔要轉四人枱。點完菜至男友到達既五分鐘之間，三道菜已經極速上菜，無幾耐最期待的片皮鴨也來了(忘記了拍照)雞絲粉皮男友最愛雞絲粉皮，幾乎去每家餐廳只要有呢道菜都係必點。就雞絲，醬汁，青瓜絲，粉皮既比例同份量黎講，係我最滿意既一家(通常食過其他餐廳都係少醬汁多青瓜，極少雞絲)。呢到每一啖都有齊四種口感，唔會太咸，有濃郁麻香。醉雞本身唔好食醉雞，只係跟食評點，食第一啖先係有淡淡酒香，酒香過後雞肉滲出陣陣甘甜味，雞件肥瘦適中，由於凍食，雞皮完全唔覺膩，即使唔中意飲酒都接受到紅油抄手唯一一道比較唔岩我地口味，可能係正宗吧。平時食開其他餐廳既口味比較重醋香，而呢到既紅油炒手比較偏麻辣，加上用左生蒜末調味，有少少生蒜既苦味片皮鴨萬眾期待片皮鴨，完全無失望，麵皮，青瓜，蔥，鴨件，醬汁都非常好味。鴨件連皮連肉，中間部份偏瘦，但完全唔會柴
六點半左右到餐廳，應該係晚市第一位客人，無訂位，聽講呢到晚市好full，自動自覺坐雙人位，男友要遲啲到，先行點菜，侍應見點菜較多，可能驚唔夠位上菜，主動問要唔要轉四人枱。
點完菜至男友到達既五分鐘之間，三道菜已經極速上菜，無幾耐最期待的片皮鴨也來了(忘記了拍照)
雞絲粉皮
男友最愛雞絲粉皮，幾乎去每家餐廳只要有呢道菜都係必點。就雞絲，醬汁，青瓜絲，粉皮既比例同份量黎講，係我最滿意既一家(通常食過其他餐廳都係少醬汁多青瓜，極少雞絲)。呢到每一啖都有齊四種口感，唔會太咸，有濃郁麻香。
醉雞
本身唔好食醉雞，只係跟食評點，食第一啖先係有淡淡酒香，酒香過後雞肉滲出陣陣甘甜味，雞件肥瘦適中，由於凍食，雞皮完全唔覺膩，即使唔中意飲酒都接受到
紅油抄手
唯一一道比較唔岩我地口味，可能係正宗吧。平時食開其他餐廳既口味比較重醋香，而呢到既紅油炒手比較偏麻辣，加上用左生蒜末調味，有少少生蒜既苦味
片皮鴨
萬眾期待片皮鴨，完全無失望，麵皮，青瓜，蔥，鴨件，醬汁都非常好味。鴨件連皮連肉，中間部份偏瘦，但完全唔會柴，頭尾部份(碟頭碟尾)有豐富皮下脂肪，一人食一兩件肥美部份剛好，既滿足又唔會太漏，麵皮柔軟煙韌，加埋爽脆青瓜同蔥，正
高力豆沙
第一次食，本來以為係炸疏乎里咁上下既甜品，但食落比疏乎里扎實好多，除左表面糖霜同中間少許豆沙，包既部分完全唔甜，但咬大啖啲成舊食，所有材料一齊食甜度就剛好，加上熱辣辣，食埋做一餐既ending好幸福
同男友中意食上海菜，試過好多間新興連鎖店都走精緻路線，每道菜都得兩啖，埋單往往食唔飽都人均二百幾蚊，反而街坊小店係咁嗌，食到捧住肚走都係平，亦都食得滿足。睇住坐低唔夠半個鐘已經由一枱客變到滿座，用心做菜做生意果然都係有好多人捧場！今次人少未有叫小炒，期待下次再試
張貼