龍朝牛雜牛腩專門店

營業中

休息中

放左工搵啲野食，經過見有間牛雜舖就食佢先，除左粉麵，都有飯食㗎。店內好新好乾淨，感覺係新開張？之前經過又真係好似唔覺眼。點左一碗粉，加14蚊有飲品同油菜。點左熱奶茶，聽到店員話賣晒新煲嘅，呵呵，咁就飲佢先，茶香奶滑幾好飲喎～後面個杯係熱水，店員主動比嘅，可以用黎洗餐具。點左崩沙腩米，賣相幾正喎，腩都有成十件。影多張先，半肥瘦位正呀。有筋有肥有肉，煮得軟腍好好味。米粉吸了腩汁超正，份量都幾大碗添。湯底鮮味，飲左一大碗都唔覺得鹹。本想叫腐乳通菜，但今晚無，咁蠔油菜心都ok嘅。菜心好嫩好翠綠，點下蠔油簡單又好味。一個人食飽飽，幾十蚊又平又好味。