上海老家 (已結業)

大角咀好多野食，今次就試左依間食中菜，係好食嘅家常便飯！環境好寬敞，坐低傾計好舒服。首先叫左個陳醋木耳($50)，夠哂入味，酸酸地好開胃，而且木耳好健康，除左對腸胃好又可以降低膽固醇同血壓，嗌黎做前菜幾好。跟住叫左個細嘅酸辣湯($68)，好足料，除左有荀、木耳、豆腐、冬菇等基本材料之外，仲有幾多蝦下！味道就酸味為主，唔辣，仲有麻油香味。份量就兩個人都好夠食。另外仲叫咗個糖醋魚塊（$98），酸酸甜甜相當開胃，送飯一流，個魚塊炸得岩岩好，酥脆入味。依間無論小食定主菜，都仲有好多選擇，難怪除咗堂食之外咁多人叫外賣自取，加餸好方便！