廿一堂

營業中

休息中

假日晚餐，行左pop corn，將廣，將中，要搵間唔洗等太耐嘅餐廳真係搵到沮喪，行下行下終於行到天晉匯搵到廿一堂，睇到門口大大個餐牌，地方闊落又唔算多人等位，即刻扑搥！最正係老公叫嘅鰻魚飯，魚肉燒得夠香又軟滑，燒汁又好味，仲有好多蛋絲！每個套餐都包埋泡菜同面豉湯或者餐茶。我就叫左個鐵板角切和牛配燒魂飯，覺得妹仔大過主人婆，個飯吸引過啲牛，珍珠米飯面舖滿紫菜同溫泉蛋，好滿足。至於個和牛，食落都好香牛味！