Tapa Room (已搬遷) 新店位置

前兩日同朋友收工之後去左銅鑼灣食飯，佢介紹我係告士打道個邊有一間西班牙菜好食，所以我地就去左食啦。餐廳有好多小食同主食揀，我地就點左Octopus Carpaccio、Crispy Tomato Bread、Bikini Sandwich和Iberico Pork Meatball，而主食就揀左一個西班牙海鮮鍋飯，而我就想飲少少酒，所以就叫左杯Gin酒。先講下小食先，八爪魚都幾好味，薄薄一切配以汁，食起來幾清新。而個蕃茄脆包都幾正，脆卜卜，加上醬汁和白銀魚，係一個幾好的配搭，加上脆包會慢慢吸引醬汁，令到呢個小食更有層次。而鵝肝脆包都幾好食，鵝肚塗在麵包的夾心，入口即溶。黑毛豬肉丸係咁多樣小食入面最好食，表面亦都炸得好脆卜卜，好好味。至於個西班牙海鮮飯，唔好睇佢唔太大碟，兩個人食都啱啱好，而且材料都好豐富，有蝦、青口、蜆同魷魚圈，而每粒飯都好入味，今次朋友果然無介紹錯。