影片
更多
2007-03-13
20 瀏覽
日期: 10 / MAR (星期六) 時間: 6:15pm懷住緊張既心情, 腳震震咁踏入重慶門口, 並未有預期中既攔截事件, 一路行一路好似鄉下佬出城咁周圍望, 發現四周都係不同膚色既人士, 南亞裔人士為最多, 非洲都唔少, 黃皮膚既反而少之有少, 成個感覺好似去左外地自由行緊咁^^"以前係外面望入去都唔覺, 原來入面好大嫁! 有好多條巷, 好多座! 唔同座數要用唔同既升降機, 行左一陣已經知自己搵既實有排搵, 當機立斷搵個護衛哥哥問路: 請問E 座係邊? E 座幾樓? 7樓! 護衛哥哥回頭向一個印巴籍人士打左個眼色,跟住就同我地講: 跟住佢啦! 會帶你地去嫁勒! 個印巴哥哥亦好醒目咁比左張咖哩王既單張我地睇, 所以我地就好放心咁跟住佢係好似迷宮一樣既重慶大廈入面左穿右插~行左一陣就到左E 座既升降機大堂, 跟住就自己上去勒! 同我地一部升降機既都係香港人, 都係去食咖哩王丫~ 入到去環境小小咁, 好有私房菜feel~ 一坐低就比左個開胃簿餅我地食~好香辣丫, 勁多胡椒粒粒, 越食越辣, 不過好正! 正到唔記得影相.....^^"之後點左: 巴辣羊- 夠辣夠香, 有少許蘇味, 唔
懷住緊張既心情, 腳震震咁踏入重慶門口, 並未有預期中既攔截事件, 一路行一路好似鄉下佬出城咁周圍望, 發現四周都係不同膚色既人士, 南亞裔人士為最多, 非洲都唔少, 黃皮膚既反而少之有少, 成個感覺好似去左外地自由行緊咁^^"
以前係外面望入去都唔覺, 原來入面好大嫁! 有好多條巷, 好多座! 唔同座數要用唔同既升降機, 行左一陣已經知自己搵既實有排搵, 當機立斷搵個護衛哥哥問路: 請問E 座係邊? E 座幾樓? 7樓! 護衛哥哥回頭向一個印巴籍人士打左個眼色,跟住就同我地講: 跟住佢啦! 會帶你地去嫁勒! 個印巴哥哥亦好醒目咁比左張咖哩王既單張我地睇, 所以我地就好放心咁跟住佢係好似迷宮一樣既重慶大廈入面左穿右插~
行左一陣就到左E 座既升降機大堂, 跟住就自己上去勒! 同我地一部升降機既都係香港人, 都係去食咖哩王丫~ 入到去環境小小咁, 好有私房菜feel~ 一坐低就比左個開胃簿餅我地食~
好香辣丫, 勁多胡椒粒粒, 越食越辣, 不過好正! 正到唔記得影相.....^^"
之後點左:
巴辣羊- 夠辣夠香, 有少許蘇味, 唔食羊既未必食!
特式咖哩雞- 好好食丫! 一D 都唔辣既咖哩, 仲帶少少甜, 食到唔停得口丫!
素菜咖哩角- 同我地一向食開果D 唔同, 入面係咖哩薯蓉, 好飽肚!
蒜蓉薄餅- 幾好味, 不過對於我同男友呢D 蒜蓉狂熱份子黎講....蒜味唔夠勁囉^^"
好豐富既一餐丫!
因為一坐低就填左張9 折卡表格, 埋單成為$109 元正! 好抵丫!
兩個人食四樣野其實都好飽下, 尤其個咖哩角, 之後先知原來如果食牛肉咖哩角既話,
就會好似我地平時食果D 咁, 簿簿既, 脆脆既咁, 可惜無人推介比我地食....
今次上去食野, 唯一既美中不足, 就係並無好似其他網友咁, 有人熱情咁介紹食咩好, 都係自己點菜......希望下次有人理我地啦...>.<
張貼
