Lanala (威靈頓街)

營業中

休息中

今日同朋友黎到位於中環既哩間餐廳。餐廳裝修簡約精緻，而且全部座位都係沙發凳，非常舒適。除左正餐之外，哩到既賣點就係好食又精緻既日本水果希臘乳酪蛋糕，賣相真係超適合打卡📸️🍈日本蜜瓜希臘乳酪芝士蛋糕 $108日本蜜瓜、食用金箔、希臘乳酪、忌廉芝士哩個真係超推介超有驚喜❗️蛋糕本身已經起左個蜜瓜肉，好方便食，蜜瓜香甜多汁，完全係日本既味道，希臘乳酪同忌廉芝士非常幼滑，甜度適中，同蜜瓜一齊食意想不到地夾，超好食推介👍🏻🍓日本士多啤梨希臘乳酪芝士蛋糕 $98日本士多啤梨、玫瑰花瓣、食用金箔、希臘乳酪、忌廉芝士、餅乾餅底哩個蛋糕好靚，完全係打卡之選📸️蛋糕外層有士多啤梨果肉，中間係香甜既士多啤梨果肉及果醬，而士多啤梨同希臘乳酪芝士既味道協調得相當好，芝士質感亦係幼滑輕盈。🍵手工純棉茶包 $58哩到既茶壺同茶杯超有質感，店員仲會拎三款唔同既茶杯俾我地選擇，三款都超級靚💕而且淨係茶飲已經有黑茶、綠茶、白茶、紅茶同草本茶系列，今次我地就揀左盛夏緋紅（無茶鹼），幾有茶香，亦唔會苦澀，配埋蛋糕正好可以解膩。整體黎講，餐廳環境雅致舒適，蛋糕質素亦相當高，真係好適合同朋友黎食個下午茶，傾下計，休閒地過一個下午。