茶語

營業中

休息中

今日去大埔探朋友，經佢介紹就尼左茶語食晚飯，佢鋪面細細咁啱係晚飯時間加上係星期六所以都要等一陣先有位入座。入到去店員冇好似一般餐廳咁擺上兩杯水，因為飲用清水係自助型式咁，餐廳有提供乾淨水杯。咁我同我朋友就分別叫左鹽焗雞絲肉燥飯同埋酥炸豬扒米線，而且跟主食追加小食有平，所以我哋都加多份青瓜併雲耳。首先肉燥飯一送到嚟，即刻感受到佢嘅份量，滿滿的。鹽焗雞應該係用雞扒嚟整所以冇骨而且啖啖肉味道仲好好味，而肉燥都好惹味撈飯食一流，不過啲飯就可能係新鮮蒸起仲未收水有啲濕。另外米線份量都唔少，湯底味道幾好加少少辣仲好味。老板娘知道我哋鍾意食辣仲俾我地試佢地啲秘製辣椒油，一隻係麻辣，一隻係普通辣椒油，各有特色。講返塊豬扒酥脆可口，如果大塊啲就好啦而小食青瓜雲耳都大大份幾青爽，雖然係涼食，但係冇果種岩岩雪櫃拎出嚟冬冰冰嘅感覺。最後係餐飯，兩杯都跟餐叫蜂蜜蘆薈同珍珠奶綠，好彩有錢轉蜂蜜蘆薈食完辣椒油飲一啖乜辣都解，而奶綠就好重綠茶味。總括嚟講，依家餐廳好適合一家大細嚟食，而且又唔貴。