星巴克咖啡

營業中

休息中

能夠繼續寫多篇「好友狂嚐曲」，當然又喺要多得好友嘅心意啦，送小弟一小包星巴克嘅意大利脆餅「Almond & Raisin Biscotti」，但亦有唔少人當佢喺曲奇。記得以前晌工聯會學整曲奇，教過依一款意大利脆餅，嗰時個阿Sir話，依款嘢做法似麵包，食落唔知喺餅乾，定曲奇，喺一種幾有趣嘅脆餅。基本嘅版本喺以杏仁為基礎，不過，依家有落果仁，有落朱古力，好友所贈嘅喺杏仁搭提子。一包有4條，個樣「膚色」 黝黑， 內裡有唔少杏仁同提子，入口脆脆硬硬，質感較為粗糙，好有質感，食落仲有少少果皮（唔喺中式陳皮曬乾嘅果皮，而喺蜜餞咗嘅橙皮），以及輕微玉桂味，不過，由於質感粗，唔喺人人識欣賞，故不妨浸浸咖啡食，效果不一樣。其實Biscotti喺意大利文，解作烘焙兩次嘅意思，即喺點解？小弟摷咗家中本「日嚐甜品2」（大坑Jam Bakery店主Anita所撰寫），抽咗製法嘅最尾一段俾大家參考，就明白咩叫做烘焙兩次。今次晌公司嘅蛇王下午茶就無沖咖啡，反而泡杯香茶，夾啲意大利脆餅又唔錯喎。