影片
更多
2011-07-30
195 瀏覽
突然朋友仔話聚舊撐枱腳，大家都住大埔，咁飲野傾計當然係黎依度最方便啦 ﹗俗語有云：好又一餐唔好又一餐，咁點解唔餐餐食好啲，而要去刻薄自己呢？搵錢咁辛苦，人生苦短、生命又脆弱，唔知有幾耐日子，點解唔餐餐都要好呢 ~ 講得遠左，開飯喇 ﹗叫返支 ok 既紅酒郞郞口先。和牛漢堡，到現時仍然係全城最正既漢堡，無得彈 ﹗另我讚口不絕，每逢提起漢堡，只會想起她 ﹗嫰滑肥美彈牙既和牛，juicy 到點肉汁係一滴滴咁咇出黎架。牛肉既原始味道濃郁，不需特別調味，佢既油脂已夠晒香。軟墊既麵包，夾住新鮮生菜、鮮蕃茄、酸青瓜，大大啖咬上去，混和幾種不同味道、口感、溫度及層次，無比精采 ﹗已經唔洗加咩醬汁喇，茄汁、千島醬、沙律醬、芥醬都可以慳返，太好味喇。煙三文魚沙律，一塊長長既煙三文魚卷實幾種新鮮蔬菜，演繹手法特別，賣相都好吸引。味道大路，只要蔬菜夠新鮮、溫度夠清涼、dressing 醒胃清新，已經攞滿分喇 ﹗忌廉南瓜湯，我本身唔食南瓜既，但作為一位食家，點都要試一試。朋友仔跟我既評語都係過甜，大廚稱係新鮮南瓜做，無落糖，只係加左少少忌廉增加幼滑感。溝返少少水，平衡返個味我自飲到，因為我唔食甜野架。愛甜既朋友
和牛漢堡，到現時仍然係全城最正既漢堡，無得彈 ﹗另我讚口不絕，每逢提起漢堡，只會想起她 ﹗嫰滑肥美彈牙既和牛，juicy 到點肉汁係一滴滴咁咇出黎架。牛肉既原始味道濃郁，不需特別調味，佢既油脂已夠晒香。軟墊既麵包，夾住新鮮生菜、鮮蕃茄、酸青瓜，大大啖咬上去，混和幾種不同味道、口感、溫度及層次，無比精采 ﹗已經唔洗加咩醬汁喇，茄汁、千島醬、沙律醬、芥醬都可以慳返，太好味喇。
煙三文魚沙律，一塊長長既煙三文魚卷實幾種新鮮蔬菜，演繹手法特別，賣相都好吸引。味道大路，只要蔬菜夠新鮮、溫度夠清涼、dressing 醒胃清新，已經攞滿分喇 ﹗
忌廉南瓜湯，我本身唔食南瓜既，但作為一位食家，點都要試一試。朋友仔跟我既評語都係過甜，大廚稱係新鮮南瓜做，無落糖，只係加左少少忌廉增加幼滑感。溝返少少水，平衡返個味我自飲到，因為我唔食甜野架。愛甜既朋友一定好啱口味 ﹗
鵝肝醬釀鵪鶉，菜式就夠特別喇，但我比較喜歡早前既爐燒鵪鶉，質地幼滑、皮香肉嫰、肉汁豐富。今次釀左鵝肝醬反而令到鵪鶉煮過火，肉質變老變鞋變乾，可能怕裡面既鵝肝醬唔熟或唔夠熱掛，所以焗耐左。鵝肝醬味道完全唔突出，全被鵪鶉味道蓋過，唔講真係食唔出係鵝肝醬。
有骨安格斯肉眼扒配紅酒汁，嘩 ﹗我既至愛，食過好多次都唔厭。有骨肉眼肉質更嫰滑更軟棉，三成熟肉汁豐富，處理得宜絕無血水，放心。牛味超濃郁，配上淡淡紅酒汁更能提升肉味，食過翻尋味。
張貼
