情熱笑店 (已結業)

山頂纜車陪伴港人逾30年後🚡，酒紅色嘅第五代山頂纜車將於6月底正式退役，纜車服務更會暫停約半年。點都要去打返個卡，週末即刻山頂一日遊！同埋去得山頂點會唔去日式祭典風嘅Donki買嘢食啊🎏？而家人流少咗，可以慢慢揀食物同行下，買好嘢食可以出好熱好曬嘅戶外露台享用，食飽拿拿聲衝返入冷氣地方🤣————————————————👅唐揚炸雞 ($48)🔸Top 3人氣小食之一，同店員落order就喺保溫箱拎咗一盒出嚟，紙盒係企鵝仔吉祥物🐧，入面有一包芥末味調味粉同約5件炸雞，唔係即炸所以唔會好脆，不過個炸皮殼偏硬，都做到啲脆口感覺嘅👅關東煮 (每件$10)👍🏻最緊要有得揀！多款關東煮任你揀，厚燒玉子都幾大條，魚豆腐一樣口感軟綿綿🍢，福袋就包住年糕，湯底係清甜嘅鰹魚昆布味👅照燒帆立貝飯糰（$20）🔸粒帆立貝都幾大粒幾入味嘅，不過常溫飯團飯粒就當然硬轟轟🍙，除非你真係好肚餓要食飯啦，我就將飯團浸落關東煮湯，類似茶泡飯嘅食法會好味啲————————————————🚩總結：好似變咗去山頂必去之地🎎———————————————— 🌟注意：用餐完畢要自己處理垃圾啊————————————————📍 情熱笑店