影片
更多
2021-07-16
551 瀏覽
每次去日本旅行時，去居酒屋食飯飲酒係我必定嘅行程之一，享受下美酒同日式下酒菜，走入最平易近人的日本日常生活🇯🇵但自從冇得出國之後，成日都令我心掛掛😢不過之前竟然被我喺大角嘴搵到間充滿日本風情嘅居酒屋🤓呢間餐廳提供2 小時清酒放題，分為「竹」（$348/位）同「松」（$388/位），提供多款酒類，包括生啤、燒酌等，仲可以一次過試不同口味的清酒，啱曬清酒迷🍶放題亦包埋三款關東煮+一客前菜+一客烏冬。而一向鍾意飲酒嘅我仲加多$40升級「松」放題，咁就可以試埋甜美日本果物酒，女士必試👍🏻一坐低，餐廳先會送上一杯雞湯俾客人🍲雞湯味濃順口，暖暖胃為陣間Ｄ清酒打個底😉🌟關東煮：日本蘿蔔、半片（日本白魚餅）、蝦餅、魷魚串、麻吉燒、日本牛筋作為區內唯一嘅關東煮專門店，Ｄ關東煮果然好出色🍢湯底用鯛魚骨、鰹魚、昆布熬成。蘿蔔煮得非常入味，充滿香氣；半片、蝦餅同魷魚串就口感彈牙兼具鮮味。麻吉燒外面嘅魚漿包住麻糬，令食感更豐富，而日本牛筋絕對係必試之選，煮得軟爛入味，送酒一流🤣🌟前菜：松葉蟹肉野菜沙律（一人前）🥗、炸池魚🐟原本以為沙律嘅分量唔多，點知一上菜就發現好大碗，而且非常足料！蟹肉肉質軟滑🦀味道最鮮甜，加
呢間餐廳提供2 小時清酒放題，分為「竹」（$348/位）同「松」（$388/位），提供多款酒類，包括生啤、燒酌等，仲可以一次過試不同口味的清酒，啱曬清酒迷🍶放題亦包埋三款關東煮+一客前菜+一客烏冬。而一向鍾意飲酒嘅我仲加多$40升級「松」放題，咁就可以試埋甜美日本果物酒，女士必試👍🏻
一坐低，餐廳先會送上一杯雞湯俾客人🍲雞湯味濃順口，暖暖胃為陣間Ｄ清酒打個底😉
🌟關東煮：日本蘿蔔、半片（日本白魚餅）、蝦餅、魷魚串、麻吉燒、日本牛筋
作為區內唯一嘅關東煮專門店，Ｄ關東煮果然好出色🍢湯底用鯛魚骨、鰹魚、昆布熬成。蘿蔔煮得非常入味，充滿香氣；半片、蝦餅同魷魚串就口感彈牙兼具鮮味。麻吉燒外面嘅魚漿包住麻糬，令食感更豐富，而日本牛筋絕對係必試之選，煮得軟爛入味，送酒一流🤣
🌟前菜：松葉蟹肉野菜沙律（一人前）🥗、炸池魚🐟
原本以為沙律嘅分量唔多，點知一上菜就發現好大碗，而且非常足料！蟹肉肉質軟滑🦀味道最鮮甜，加上沙律菜、車厘茄，好開胃🍅炸池魚條條炸得又香又脆，肉質嫩滑，魚味濃郁，佐酒一流🍻
🌟烏冬：北海道風雞皮烏冬、日式牛肉稻庭烏冬🍜
好少喺香港見到雞皮烏冬呢道菜式🍗完全唔油膩，食落惹味無比，同酒更係Perfect Match，非常推薦。而牛肉烏冬亦好好味，牛肉份量唔少，昆布又吸收哂湯底嘅精華。烏冬亦滑不溜口、煙韌有嚼勁
🌟士多啤梨豚肉串🍓
夏日炎炎最適合食地道嘅福岡果物串，即係將肥瘦均勻嘅豚肉包裹著清甜多汁嘅生果串燒🥓豚肉外脆帶鹹香，中間嘅士多啤梨增加左口感同味道層次，仲令豚肉冇咁膩😙食落爽脆多汁、清甜酸香，味道過癮
🌟日本長州雞胸脆骨🐔
雞軟骨就食得多，但燒雞胸脆骨係香港較少地方食到嘅燒雞串特別部位，口感特別，夠爽夠脆，雞味突出
🌟燒雞泡魚乾🐡
雞泡魚乾軟硬度適中，油脂帶微微炭燒香，好食到停唔到，又係送酒必備
🌟浜燒海老🦐
浜燒通常唔加任何調味，極其量只會灑Ｄ鹽以提味，盡量保持原汁原味
蝦肉非常彈牙爽甜，蝦味十足，冇任何醬汁調味都滋味無窮
今次試左好多款酒類，當中比較心水以下幾款～
🌟作 惠乃智 純米吟釀 🍶
果香四溢，清爽順喉，柔順回甘，適合初心者飲用
🌟京姫 匠 純米大吟釀🍶
入口充滿果香，帶微微辛口嘅餘韻，適合同串燒、海鮮一齊食
🌟尾瀨之雪 柚子檸檬酒🍹
呢款果酒冇使用任何香料與色素，每啖都充滿柚子同檸檬風味而且酒精含量低🍋
仲要係用雪水黎釀酒，值得一試
🌟舩坂酒造 飛驛高山完熟梅酒🥃
味道酸酸甜甜，酒味不重，極易入口，夏天飲番杯清爽又消暑
餐廳嘅日本和風裝修，令人喺香港都感受到日本地道居酒屋氣氛💯
而且提供多款清酒，最適合同朋友一邊飲酒，一邊傾計，減下壓🥰
張貼
