是但求其食 (已結業)

最近都要係屏會街呢邊工作，呢間「是但求其食」就成為左我最近常常光顧的餐廳。餐廳都有好多野印左餐廳名，擺係出面的鐵桶、地氈、燈都印左，仲會印左廣東話拼音，係一間屬於香港人的餐廳。而且仲接納多種付款方式，冇現金都唔怕。入到去見到牆壁有黑膠碟同cover做裝飾，上面都有投影各種魚類係度游黎游去，都幾特別，見到餐廳有做任飲啤酒/任飲所有酒類的活動，不過我要工作，就冇試了。黑松露燴飯一上菜個陣就聞到好香菇味同黑松露味，加埋少少奶油混合係一齊，米芯唔係好硬，食完呢個都飽肚龍蝦汁海鮮意粉比起燴飯，我更喜歡扁意粉，有青口、蝦、魷魚，加埋三色椒一齊煮，灑上少許芝士粉，外觀方面已經搶眼，食落去好順口，海鮮都好新鮮金蛋雞翼係我同事的最愛，一上菜個陣佢已經食左先，話好香咸蛋同牛油味，咸蛋都包裹哂成隻雞翼，正青檸沙冰夏天最適合飲沙冰，酸酸地，冇加太多糖水，好適合我鴨屎香奶綠呢杯係餐廳推介，有點似台灣的奶綠，飲起黎冇負擔，有點像飲鮮奶茶甘，順口清爽