李圓圓 (寶安大廈) (已結業)

想試李圓圓好耐，不過荔枝角分店的確唔近我平時出沒既地方，好彩依家終於開到黎旺角啦！-黑糖珍珠鮮奶 2.0 $332.0版本即係鮮奶分量多3成，岩哂鮮奶控！黑糖珍珠黑糖味好香，真係食到出啲黑糖係純天然，因為飲完唔會頸渴。珍珠大小適中有咬口，而且甜度適中，黑糖味同鮮奶混合埋味道好好飲。．不過唔太好鮮奶既可以叫返普通版黑糖珍珠鮮奶，因為男朋友話對於佢黎講太多奶所以有啲淡味。-冬瓜鮮檸檬 $22好似台灣夜市飲既冬瓜檸檬味道！冬瓜同檸檬兩邊既味道都岩岩好，唔會有一邊搶左對方既味，冬瓜香甜味濃，配上檸檬酸酸甜甜，夏天行街飲一流。