CoCo都可茶飲 (已搬遷) 新店位置

前幾日去補習搭車時經過紅磡見到一間新開嘅coco 可都，個腦就'叮'左'珍珠奶茶'四個字出黎。之後補習又咁啱得咁kiu，朋友攞住杯冰凍珍珠奶茶入課室，我成堂就比佢杯珍珠奶茶吸引住，心諗如果落堂後唔去買番杯，今晚一定瞓唔着啦！於是我一完堂就去試新野…coco 都可 我黎啦！！！！ 一入到店裡面，我就order左一杯M size 熱奶茶半糖比自己， 同一杯L size 凍珍珠奶茶少糖比細妹。其實order時都幾煩，本身我話要兩杯珍珠奶茶，之後話一杯唔要珍珠，然後又改一杯要熱，佢以為我order完想收錢時，我又突然話奶茶要半糖…我都覺自己有啲煩，講左句唔好意思！但係個女職員唔單只全程無'衰樣'，仲笑笑咁話唔緊要，好好態度喎！好感好感 個職員一收完錢就去沖…見佢好快手，倒粉…落茶…落冰，眨下眼杯野就到手。但係杯熱奶茶攞上手唔夠熱，唔知係唔係因為用膠杯…所以唔可以太熱呢？肯定好快凍哂啦… 第一啖飲入口，感覺就係'奶奶奶'…好奶呀！一定落左好多奶粉！但係我又幾like喎，因為我都幾鍾意多啲奶味嘅奶茶。 飲多幾啖，又覺得茶味都夠，幾好！仲有就係我覺得叫半糖無錯，唔係好甜又唔會無味啱啱好！ 總