影片
更多
2023-05-08
258 瀏覽
依排天氣開始熱，想食d辣野開下胃～女人街依間韓國菜成日行過都好想食，今次一於入去試試！我地兩個人叫咗：溫泉蛋帶子芝士湯烏冬$98湯底好濃郁，帶子好大隻好新鮮～芝士份量好多，一夾起拉晒絲好正🤤烏冬口感爽口彈牙，撈埋隻半熟嘅溫泉蛋一齊食更加滑溜，仲充滿蛋香韓式粉絲蒜茸焗火箭魷魚$118依道菜好有驚喜！本身諗住韓式魷魚嘅調味都係鹹鹹辣辣好重口味，點知依道菜嘅調味係鹹中帶甜，鹹、甜、辣3隻味完美平衡，加埋蒜茸更加香口👍🏻魷魚肉質爽嫩彈牙，粉絲吸收咗魷魚同蒜茸嘅味道，焗完之後仲有啲焦香，好食韓川菜包五花腩$128菜包五花腩配咗烤肉汁、黃芥辣、洋蔥同蒜片配埋五花腩一齊包住食，五花腩肥瘦相間，燒完之後一d都唔乾，配埋韓式秘制魔鬼辣醬，更加有層次～依個‘韓瘋燒’系列嘅燒烤海鮮/燒肉或者串燒上都會配上自家制韓式魔鬼辣醬，我地叫咗嘅小辣真係好少辣，大約係BB辣程度，所以想食少少辣野開下胃就啱曬喇韓國米酒（白葡萄味）$100食韓國嘢點少得酒，韓國米酒嘅酒精度數唔高，依隻白葡萄味好易入口，而且飲落口感好順滑總括黎講，呢間餐廳嘅韓式菜式都幾出色，而且服務都唔錯，店員好用心咁介紹菜式，仲教我哋點飲韓國米酒添😆
溫泉蛋帶子芝士湯烏冬$98
湯底好濃郁，帶子好大隻好新鮮～芝士份量好多，一夾起拉晒絲好正🤤烏冬口感爽口彈牙，撈埋隻半熟嘅溫泉蛋一齊食更加滑溜，仲充滿蛋香
韓式粉絲蒜茸焗火箭魷魚$118
依道菜好有驚喜！本身諗住韓式魷魚嘅調味都係鹹鹹辣辣好重口味，點知依道菜嘅調味係鹹中帶甜，鹹、甜、辣3隻味完美平衡，加埋蒜茸更加香口👍🏻魷魚肉質爽嫩彈牙，粉絲吸收咗魷魚同蒜茸嘅味道，焗完之後仲有啲焦香，好食
韓川菜包五花腩$128
菜包五花腩配咗烤肉汁、黃芥辣、洋蔥同蒜片配埋五花腩一齊包住食，五花腩肥瘦相間，燒完之後一d都唔乾，配埋韓式秘制魔鬼辣醬，更加有層次～依個‘韓瘋燒’系列嘅燒烤海鮮/燒肉或者串燒上都會配上自家制韓式魔鬼辣醬，我地叫咗嘅小辣真係好少辣，大約係BB辣程度，所以想食少少辣野開下胃就啱曬喇
韓國米酒（白葡萄味）$100
食韓國嘢點少得酒，韓國米酒嘅酒精度數唔高，依隻白葡萄味好易入口，而且飲落口感好順滑
總括黎講，呢間餐廳嘅韓式菜式都幾出色，而且服務都唔錯，店員好用心咁介紹菜式，仲教我哋點飲韓國米酒添😆
張貼
