影片
更多
2022-12-21
322 瀏覽
好耐無行女人街，見今日嚟開呢頭，趁機過去逛下，順便搵個地方食啲嘢。喺排檔後面見到有間粉紅色門面嘅餐廳，走近一看，原來店鋪主打甜品同輕食，而且仲有我至愛嘅牛角包窩夫供應，就一於試下。餐廳裝潢以迷人嘅粉淺色為主調，牆身上嘅圓拱形設計很有格調，配上天花嘅粉紅芒草掛飾，充滿夢幻感覺，非常賞心悅目！點咗份全日早餐，另外再加咗客窩夫同糖不甩。雞扒全日早餐 ($78)，雞扒超大塊，外皮煎得很香口，肉質豐腴肥美，滑嫩又 Juicy，入口啖啖肉，很滋味。至於其他配料就仲有多士、炒蛋、茄汁豆、煙肉、腸仔、粟米同沙律，用料非常豐富。餐跟咖啡或茶飲一杯 ，點咗杯熱咖啡，味道唔錯，入口幼滑香濃，可以慢慢嘆住飲。另外呢客韓式牛牛窩夫 ($98) 亦非常正，打卡度十足，而且上檯時仍熱辣辣，未食已經聞到香味，入口外酥脆內鬆軟，散發著陣陣牛油香，味道一流。配料有鮮果、椰子味雪糕同芒果雪糕。兩款雪糕嘅質地都好幼滑，甜而不膩，充滿熱帶風情。好耐無食過糖不甩 ($40) 見到店鋪有供應，又點嚟試下；味道很不錯，丸子軟糯煙韌，配上香脆嘅花生碎同香味撲鼻嘅芝麻，令人停不了口！
喺排檔後面見到有間粉紅色門面嘅餐廳，走近一看，原來店鋪主打甜品同輕食，而且仲有我至愛嘅牛角包窩夫供應，就一於試下。
餐廳裝潢以迷人嘅粉淺色為主調，牆身上嘅圓拱形設計很有格調，配上天花嘅粉紅芒草掛飾，充滿夢幻感覺，非常賞心悅目！
點咗份全日早餐，另外再加咗客窩夫同糖不甩。
雞扒全日早餐 ($78)，雞扒超大塊，外皮煎得很香口，肉質豐腴肥美，滑嫩又 Juicy，入口啖啖肉，很滋味。至於其他配料就仲有多士、炒蛋、茄汁豆、煙肉、腸仔、粟米同沙律，用料非常豐富。
餐跟咖啡或茶飲一杯 ，點咗杯熱咖啡，味道唔錯，入口幼滑香濃，可以慢慢嘆住飲。
另外呢客韓式牛牛窩夫 ($98) 亦非常正，打卡度十足，而且上檯時仍熱辣辣，未食已經聞到香味，入口外酥脆內鬆軟，散發著陣陣牛油香，味道一流。配料有鮮果、椰子味雪糕同芒果雪糕。兩款雪糕嘅質地都好幼滑，甜而不膩，充滿熱帶風情。
好耐無食過糖不甩 ($40) 見到店鋪有供應，又點嚟試下；味道很不錯，丸子軟糯煙韌，配上香脆嘅花生碎同香味撲鼻嘅芝麻，令人停不了口！
張貼
