甜一點 (已結業)

裝修有少女風嘅新餐廳，有Cafe興食，又主打甜品，最出名係佢哋嘅自家製雪糕。今次主要嚟食甜品，因為附近實在太多餐廳已經食咗晚餐。小黃人(楊枝甘撈)一半椰汁沙冰+一半芒果沙冰，配上新鮮芒果及柚子肉，仲有一球自家製芒果雪糕，諗起都透心涼。雪糕好清爽韓式牛牛窩夫兩大塊香脆嘅牛角窩夫，配上自家製芒果雪糕同杏仁雪糕，仲有啲生果添。桃膠燉蛋白熱食甜品都有，桃膠高纖、高蛋白有平民燕窩之稱，桃膠燉蛋白絕對係養生之選。