影片
更多
2019-02-23
1692 瀏覽
雖然「印度神油」就經常聽到，不過講起印度，都係諗起咖哩！但對對自已黎講，印度野可能算係冷門(？)重要係素菜。不過試完呢間之後，希望佢可以成為你心中既一個熱點。因為食完之後你可能會以為食左泰國野，點解？因為「泰」好味囉！（爛，而且同泰國野冇關…） 不過講就咁講，呢次食評極難寫。事關我地今次一行5人，一下子怒叫左15樣野，唔係5唔係10，係15！要為15款食物寫對佢地既愛情故事，根本同寫碩士論文冇分別，重要final year果隻…所以今次只盡量介紹重點！--------------今次被掃對象位於尖沙咀一間樓上舖，不過因為間野係完全比你睇到，所以極易搵。溫提：樓下個鐵閘，當你煩惱緊係咪要按既時候，其實一推就開，得左！間野地方唔算好大，但淨係全店既staff都係清一色印度人，就足以令你覺得印度味濃。牆上有手繪既壁畫（甚至廁所門口都畫左個印度男人望住你say hi），冇做作既裝修反而感覺更印度。呢到9成客都係印度人，而且大家講野都好細聲，好感度up完再up。重附送比你練習英文既機會。--------------OK，今集唔講咁多廢話，講重點！ 先黎野飲。就咁睇相，叫你玩「找不同」的話一定死硬
但對對自已黎講，印度野可能算係冷門(？)重要係素菜。
不過試完呢間之後，希望佢可以成為你心中既一個熱點。因為食完之後你可能會以為食左泰國野，點解？因為「泰」好味囉！（爛，而且同泰國野冇關…）
不過講就咁講，呢次食評極難寫。事關我地今次一行5人，一下子怒叫左15樣野，唔係5唔係10，係15！要為15款食物寫對佢地既愛情故事，根本同寫碩士論文冇分別，重要final year果隻…所以今次只盡量介紹重點！
--------------
今次被掃對象位於尖沙咀一間樓上舖，不過因為間野係完全比你睇到，所以極易搵。
溫提：樓下個鐵閘，當你煩惱緊係咪要按既時候，其實一推就開，得左！
間野地方唔算好大，但淨係全店既staff都係清一色印度人，就足以令你覺得印度味濃。
牆上有手繪既壁畫（甚至廁所門口都畫左個印度男人望住你say hi），冇做作既裝修反而感覺更印度。呢到9成客都係印度人，而且大家講野都好細聲，好感度up完再up。重附送比你練習英文既機會。
--------------OK，今集唔講咁多廢話，講重點！
mango lassi（左）芒果奶昔（右）
70 瀏覽
0 讚好
0 留言
先黎野飲。就咁睇相，叫你玩「找不同」的話一定死硬。但好適合同心儀對象，認錯佢果杯黎個間接kiss（誤），當然我只會認錯蘇太果杯。
其實左邊係mango lassi，有點點乳酪酸味，右邊係芒果奶昔。一杯要成$4X，淨睇價錢都知道一定好正（應該）…點知…飲芒果汁卻墮進了愛河，一定一定要試！
注意：此店有奶或乳酪製品（除非是植物奶），但大部份菜色為全素。
--------------
跟住出場既係一張3隻手臂既對比圖！上下兩隻分別係來自兩位美少女，中間最大果隻其實係「米紙瑪莎拉香料班戟」！
米紙瑪莎拉香料班戟
90 瀏覽
0 讚好
0 留言
--------------
跟住係貌似忌廉炸魚蛋既「乳酪炸米餅粒」。
乳酪炸米餅粒
99 瀏覽
0 讚好
0 留言
賣相極靚有特色，中間中空填滿乳酪，真係新奇刺激又好玩，因為你可以用小籠包既食法食佢！先由個頂啫左啲乳酪先，再成粒啪！必叫之選！
--------------
跟住兩位佳麗真係令我難捨難離。一個擁有健康古銅色，一個黃色有親切感！
青豆菜汁薯仔（左）乳酪飯（右）
90 瀏覽
0 讚好
0 留言
乳酪飯，唔係炸粉絲碎。因為乳酪係另上，所以本身都係純素。係香港食到真印度米，當堂有種時空交錯既感覺。而且香口，非常香口，點唔點乳酪結果都係一樣：好味！
--------------
話說食到最後想叫個甜品。
印度雪糕
117 瀏覽
1 讚好
0 留言
「印度雪糕」，好明顯好有特色，因為唔知係咩尼。膽粗粗一叫，點知黎左一兜腐乳…硬住頭皮一試，點知中埋毒…
因為比起好味，真係太特別！比10分鍾大家估下係咩味。1、2…好！係薑味！感覺似薑汁撞奶雪糕。舌測下可能有綠豆蓉、薑粒、Nuts碎、香草。必定翻叫之選！
--------------
真心想介紹哂所有野食，不過寫到呢到，都係揀啲黎看圖說故事啦～！
印度芝士腰果
72 瀏覽
1 讚好
0 留言
印度芝士腰果，好味！芝士略帶甜（素芝士？），腰果又健康。
雜錦班戟
78 瀏覽
1 讚好
0 留言
雜錦班戟，平淡。明明係煎餅，不過又冇煎既香味，唔點野就冇咩味。但mix埋既雜菜唔錯架！
喀什米爾黃飯
61 瀏覽
1 讚好
0 留言
喀什米爾黃飯，好味！呢個唔係什果賓治米飯版，叫佢，因為個名，點解？因為唔知點解。飯同樣係印度米，而且處處椰香！
--------------
Branto君，係呢到要同你講聲對唔住，因為開頭睇你啲佳麗相同個殼，真係冇任何期待。但最後我發現，「冇任何期待」既唔係指啲食物，而係我「冇諗過」食完，離開左你之後，就即刻想去你到食過。Bravo, 印度Branto君！
張貼
