Micasadeco & Cafe Hong Kong (已結業)

去完探朋友，夜晚約左兩個表妹行多陣街番屋企食晚飯，我地呢排都好想食 梳乎里班戟，上網搵到朗豪坊有間新開既，一於會一會佢！去到朗豪梗係諗住排左隊先啦！好在冇乜人，但侍應妹妹話都要等一等，叫左野都要等45分鐘問我地得唔得，黎到喇！當然得啦！入座後原來係半自助，要出去買單！都唔緊要，好食就好！佢冇加一都冇問題 👍🏻45分鐘...都真係飲哂野都未黎...好在杯野算大杯！但野飲價茶都算高！真係等左45分鐘有得食 😓 首先係佢店最出名既芝士梳乎里班戟，食落...唔夠輕！又冇芝士味，勁失望囉！冇諗住等咁耐乜味都冇...之後就係抹茶梳乎里班戟，同所有既配料完全做唔到朋友，好獨立咁！呢個好過芝士少少，起碼食左抹茶既甘！我地最後3個人都表示...唔會再俾機會佢！😡