波士頓餐廳

營業中

休息中

同朋友係灣仔行吓行吓，朋友話想去食扒咁咪去波士頓囉。一去到之後，覺得間餐廳好迫咁。算啦，反正香港啲餐廳基本上都係咁。望一望個餐牌，啲價錢同扒王差唔多，都ok啦。見到個招牌火焰牛柳，我個朋友咪試吓囉。我自己就要咗一個大蝦牛柳。首先，個湯都好重味精，好鹹。個包都可以。火焰牛柳好得意，但係唔好食，得啲酒精味。我個大蝦牛柳就食到把火。兩隻蝦好“煤“，牛柳唔係牛柳，都唔知係牛慨邊部份。個汁嘛嘛地囉，不過不失。最難食係啲薯條，好似冇炸過咁樣。其實我覺得係得個火焰牛柳上枱個陣有啲得意，成個餐廳都係有火焰牛柳上枱個陣有啲人拍手。最後二百二蚊。本人覺得唔值，而且下次唔會再去囉。